80後會計師難忍狂OT 創鮮食磚返工見「仔仔」


近日四大會計師行(Big4)之一的畢馬威(KPMG),因懷疑有部門會就員工遲到每次罰款一百元而鬧得滿城風雨之時;同是會計師出身,於澳洲生活過八年的阮詠珊(Stella)雖未面對過如此刻薄的條件,但也深明香港的打工仔難撈。「香港嘅工作氣氛係要準時上班,但遲收工、超時工作卻好應份,就算已經完成晒手頭上嘅嘢,都唔好意思準時走。」她在去年養了一隻魔天使狗仔後,更感到生命中有很多事情是大於工作。「唔希望佢一日十幾個鐘一個唔知做咩,所以開始諗可唔可以有份工係俾到自己自由度去對住佢。」她因此毅然辭下正職,創立了Healthy Little Paws 腳板仔鮮食主義,把因一手一腳照顧牠而研製而成的鮮食磚分享出去。產品的受歡迎程度終令家中廚房不勝負荷,促使她於今年建立起工場,真正完成了帶著「愛兒」上下班的小小夢想。 想同「愛兒」糖痴豆

「記得有次,我返工時睇屋企個cam,見到MorBB佢反白眼又郁都唔郁,嚇到我立即雲端開電腦整啲聲出嚟,睇下佢有無反應。」廿八歲的Stella繪影繪聲地說起,此雖然是虛驚一場,但令她立下心腸,誓要花更多時間照顧及陪伴MorBB。訪問期間,只見Stella不時忙碌地處理食材,不時又難敵「愛兒」苦苦哀求而一手抱起牠,連中午食飯也帶牠到設露天座位的食肆一起用餐,畫面比情侶更痴纏。「之前一直唔敢太用力宣傳公司,因屋企個廚房已經迫爆咗,到後嚟真係頂唔順,終於上左工廠,可以大批咁整,現時一個月可以生產到六千至八千磚。」說是主人,不少港人愛鍚毛孩的程度其實直迫「家長」,應接不暇的訂單令Stella勇敢擺脫自家小型製作的形式,量產鮮食磚。

而自製鮮食的念頭,正是出至「愛兒」心切。「啱啱帶佢返嚟,發現佢有淚痕、口臭同埋消化不良等問題,好擔心。」其於是在飲食著手,發現狗仔情況在不吃乾糧,改吃她親手下廚的食物後有所改善,她更找上當營養師的妹妹阮詠雯 (Mandy)給予進一步意見,擔當其產品顧問。「鮮食同乾糧嘅分別,就好似人類係食罐頭定係新鮮煮出來嚟嘅食物,罐頭可能會加防腐劑、添加劑或味精,令狗仔更鍾意食或更快食完。」Mandy一語中的地說。但狗仔所需的營養組合,卻跟人類有所不同,「最唔同嘅係人類主要嘅能量來源會喺碳水化合物如飯身上,但蛋白質,或係肉類等反而先係狗仔主要嘅力量來源。」目前店內有五款鮮食磚,每款均有一款主要肉類如豬、牛及魚,再配搭十多款食物如蘋菜及豆類,較「估佢唔到」的有小麥胚芽油、蛋殼粉、豬肝及生蠔,以確保能提供足夠的微量元素。身為產品顧問的Mandy指某些人會認為生蠔含太高碘質, 但其實只要份量適中狗仔同樣能食用。 開業資料 16年9月 租金上期:$14,000 按金:$42,000 裝修連機器:$120,000 網店設計:$40,000 -總投資:$216,000 營業資料 17年5月 營業額:$99,000 入貨(材料):$40,000 租金:$14,000 #薪金:$18,500 廣告:$2,500 快遞開支:$4,000 包裝:$2,000 雜費:$2,500

資料來源 : 壹週Plus 文章


Featured Posts
Recent Posts
Search By Tags
No tags yet.
Follow Us
  • Facebook Basic Square
  • Twitter Basic Square
  • Google+ Basic Square
我們服務
關於
有用資訊
​常見問題
  • e316f544f9094143b9eac01f1f19e697

© 2018 mybizsell.com All rights reserved.

免責聲明:自讓易mybizsell.com 努力創建生意買賣資源共享平台 — 自讓易mybizsell.com 所有內容信息用於協助買賣雙方交易為目的,不應被視為法律建議。自讓易mybizsell.com對於內容信息準確性,合法性或適用性不作任何保證聲明。 網站擁有人不會對任何錯誤,遺漏或任何形式的損失作承擔責任。如有疑問,請電郵我們 hello1@mybizsell.com