【引人入勝】$8,800文員仔 轉戰性商店3年賺百萬

 

 

【引人入勝】$8,800文員仔 轉戰性商店3年賺百萬

 

不足200呎的樓上店,放滿了一件件的性用品,更藏著一份求變的決心。「嗰年我加咗500蚊人工,當晚我抽到5000蚊現金大獎,個CEO竟然話:『早知我唔洗加人工畀你啦!』我自問做嘢比上不足比下有餘,我覺得係屈辱。」90後的Vincent放下安穩的會計工作,選擇「性」為他闖出一片天,結果他開設的性商店,如今每月營業額達6位數,「創業係一手一腳建立一樣嘢,我辛苦,但enjoy(享受)」。

 

6年前,20出頭的會計文員Vincent,7500元起薪,每年加薪300、400元,眼見在職場打滾數10年的同事,領著一萬多元月薪,靜待上司賞識,他渴望改變。直至2013年,公司周年晚宴的「500元之辱」,令他決心走出辦公室。「與其等老闆賞識自己 ,不如自己做老闆」。他任職會計時,曾為多間性用品廠商核數,對區分性用品品質好與壞,有一定的認識,於是辭職後,邊做售貨員,邊開網上性用品店小試牛刀 。

 

「香港人好奇怪,買嘢鐘意去舖頭親自揀,加上我又儲咗一班熟客,打算試下做一年,唔得就重新打工。」Vincent表示。開設網店一年多,他膽粗粗投資30萬在旺角開樓上店。惟虛擬店到實體店,問題遠比想像的多,貨源、貨品質量及宣傳等,都要一手包辦 。最挫敗,是開店首兩星期沒有生意,「嗰14日好難捱,你會見到有客喺門口猶豫,入嚟之後又走,究竟是甚麼原因?但你一邊問之餘, 又要一邊做更多宣傳,等客知道你喺呢裡有間舖」。

 

「20歲至70幾歲嘅客都有,有啲(客人)你一聽佢買咩,就知係咪重口味,不過自己要表現得pro(專業)啲,唔可以令人覺得尷尬。」談起應對客人,他坦然是一門學問。

 

Vincent指開業以來,曾為不少客人解決有關性事的奇難雜症,有些更成為了朋友,「我反而會鼓勵佢哋做多啲運動,係會少咗客,但我又唔係好介意。」女客人Shelly表示:「入去(店舖)嗰陣唔會太尷尬,因為呢度賣嘅(性用品)好像比較年輕化;有啲(性用品店)很殘舊,好似得男人先會去。」

 

開店近3年,雖然笑言要每月售賣100個飛機杯或100個按摩器,才可達至收支平衡,但如今店舖每月營業額已達6位數。Vincent認為性用品店是一門有前景的生意,打工未能得到的滿足感,可以靠「性」去尋獲,未來更計劃多開一間分店,「希望多啲人去正面去睇呢樣嘢(性用品),其實無咩好尷尬,同人買M巾(衛生巾)一樣」。

 

Share on Facebook
Share on Twitter
Please reload

Featured Posts

餐牌菜式種類繁多巳不合時宜?

1/7
Please reload

Recent Posts
Please reload

Search By Tags